ലോക ടെസ്റ്റ് ചാമ്പ്യൻഷിപ്പ് ഫൈനലിൽ സ്കോട്ട് ബോളണ്ട് ആദ്യ ഇലവനിൽ ഉണ്ടാകും എന്ന് ഓസ്ട്രേലിയൻ ക്യാപ്റ്റൻ കമ്മിൻസ് പറഞ്ഞു. ജൂൺ 7 മുതൽ 11 വരെ ഓവലിൽ ആണ് ഓസ്ട്രേലിയ ഇന്ത്യ പോരാട്ടം നടക്കുന്നത്. ജോഷ് ഹേസിൽവുഡിന് പകരക്കാരനായി ഓസ്ട്രേലിയൻ ടീമിലെത്തിയ മൈക്കൽ നെസറിനെ മറികടന്നാണ് ബൊലാൻഡ് ആദ്യ ഇലവനിൽ എത്തുന്നത്.
ബൊലാൻഡ് ഏഴ് ടെസ്റ്റ് മത്സരങ്ങൾ ഇതുവരെ ഓസ്ട്രേലിയക്ക് വേണ്ടി കളിച്ചിട്ടുണ്ട്. 28 വിക്കറ്റ് താരം വീഴ്ത്തിയിട്ടുണ്ട്., 13.42 എന്ന മികച്ച ശരാശരിയാണ് താരത്തിന് ഉള്ളത്. ഇംഗ്ലണ്ടിലെ താരത്തിന്റെ ആദ്യ മത്സരമാകും ഇത്.
ഞാനും, മിച്ചൽ സ്റ്റാർക്ക്, ജോഷ് ഹേസൽവുഡ് എന്നിവർക്ക് ഒപ്പം നിൽക്കുന്ന താരമാണ് ബൊലാണ്ട് എന്ന് കമ്മിൻസ് പറഞ്ഞു.
