പെര്‍ത്ത് സ്കോര്‍ച്ചേര്‍സിനെതിരെ ആദ്യ സെമി മത്സരത്തില്‍ കൂറ്റന്‍ സ്കോര്‍ നേടി ഹോബാര്‍ട്ട് ഹറികെയിന്‍സ്. മാത്യു വെയിഡ്, ബെന്‍ മക്ഡര്‍മട്ട് എന്നിവര്‍ നേടിയ അര്‍ദ്ധ ശതകങ്ങളാണ് ടീമിനെ 20 ഓവറില്‍ 4 വിക്കറ്റ് നഷ്ടത്തില്‍ 210 റണ്‍സ് നേടാന്‍ സഹായിച്ചത്. 45 പന്തില്‍ നിന്ന് 10 ബൗണ്ടറി സഹിതം വെയിഡ് 71 റണ്‍സ് നേടിയപ്പോള്‍ ബെന്‍ മക്ഡര്‍മട്ട് 30 പന്തില്‍ നിന്ന് 67 റണ്‍സ് നേടി. ഡാനിയേല്‍ ക്രിസ്റ്റ്യന്‍ 22 പന്തില്‍ നിന്ന് 37 റണ്‍സ് നേടി റണ്ണൗട്ടായി.
പെര്‍ത്തിനായി ടിം ബ്രെസ്നന്‍ രണ്ട് വിക്കറ്റും മാത്യു കെല്ലി ഒരു വിക്കറ്റും നേടി.
കൂടുതൽ കായിക വാർത്തകൾക്ക് : www.facebook.com/FanportOfficial
