ബിഗ് ബാഷിൽ നിന്ന് പിന്മാറിയ ഇംഗ്ലണ്ട് വിക്കറ്റ് കീപ്പര്‍ താരം ടോം ബാന്റണിന് പകരം സോമര്‍സെറ്റിന്റെ ടോം ആബെല്ലിനെ സ്വന്തമാക്കി ബ്രിസ്ബെയിന്‍ ഹീറ്റ്. ബയോ-സുരക്ഷിതമായ സാഹചര്യങ്ങളിൽ കൂടുതൽ സമയം ചെലവഴിക്കുവാന്‍ സാധിക്കില്ല എന്ന കാരണം ചൂണ്ടിക്കാണിച്ചാണ് ടോം ബാന്റൺ ബിഗ് ബാഷിൽ നിന്ന് പിന്മാറിയത്.
പാക്കിസ്ഥാന്‍, ബംഗ്ലാദേശ് എന്നിവിടങ്ങളിലെ ടി20 ലീഗുകളില്‍ കളിച്ചിട്ടുള്ള താരമാണ് ടോം ആബെല്‍. 53 ടി20 മത്സരങ്ങളിൽ നിന്ന് 144.94 എന്ന സ്ട്രൈക്ക് റേറ്റിലാണ് സോമര്‍സെറ്റ് ക്യാപ്റ്റന്റെ സ്കോറിംഗ്.
