ബിഗ് ബാഷിൽ നിന്ന് പിന്മാറി ഡേവിഡ് വില്ലി

ഇംഗ്ലണ്ട് പേസര്‍ ഡേവിഡ് വില്ലി ബിഗ് ബാഷിൽ നിന്ന് പിന്മാറി. സിഡ്നി തണ്ടറായിരുന്നു താരത്തെ ബിഗ് ബാഷിൽ ആദ്യമായി ഡ്രാഫ്ട് സംവിധാനം കൊണ്ടുവന്നപ്പോള്‍ അത് വഴി താരത്തെ ടീമിലെത്തിച്ചത്. ഇംഗ്ലണ്ടിന്റെ ടി20 ലോകകപ്പ് ജേതാവായ ടീമിലെ അംഗം കൂടിയായിരുന്നു ഡേവിഡ് വില്ലി. എന്നാ. താരത്തിന് ഒരു മത്സരത്തിലും അവസരം ലഭിച്ചിരുന്നില്ല.

ഡേവിഡ് വില്ലി പിന്മാറിയത് ടീമിന് വലിയ തിരിച്ചടിയാണ്. ടീമിലെ വിദേശ താരങ്ങളായ അലക്സ് ഹെയിൽസും റൈലി റൂസ്സോയും ജനുവരി ആദ്യം തന്നെ ടൂര്‍ണ്ണമെന്റിൽ നിന്ന് തിരിച്ച് പോകുവാനിരിക്കുകയാണ്.

എന്നാൽ 2013ന് ശേഷം ആദ്യമായി ഡേവിഡ് വാര്‍ണറുടെ സേവനം ലഭിയ്ക്കും എന്നത് തണ്ടറിന് വലിയ ആശ്വാസമാണ്.