മെല്‍ബേണ്‍ സ്റ്റാര്‍സിനു പുതിയ കോച്ച്, ഫ്ലെമിംഗിനു പകരമെത്തുന്നത് ഡേവിഡ് ഹസ്സി

ബിഗ് ബാഷ് ഫ്രാഞ്ചൈസിയായ മെല്‍ബേണ്‍ സ്റ്റാര്‍സിന്റെ പുതിയ കോച്ചായി ഡേവിഡ് ഹസ്സി. രണ്ട് വര്‍ഷത്തേക്കാണ് ക്ലബ്ബുമായി താരം കരാറിലെത്തുന്നത്. ഇതോടെ താരം ക്രിക്കറ്റ് വിക്ടോറിയ ബോര്‍ഡില്‍ നിന്ന് രാജി വയ്ക്കേണ്ടതായി വരും. ഡേവിഡ് ഹസ്സി സ്റ്റീഫന്‍ ഫ്ലെമിംഗിനു പകരമാണ് കോച്ചിന്റെ സ്ഥാനത്തേക്ക് എത്തുന്നത്.

സ്റ്റീഫന്‍ ഫ്ലെമിംഗ് തന്റെ കരാര്‍ നീട്ടേണ്ടതില്ലാന്ന് തീരുമാനിച്ചതോടെയാണ് പകരക്കാരനെ തേടി ഫ്രാഞ്ചൈസി രംഗത്തെത്തിയത്. ഏഴ് സീസണുകളിലായി സ്റ്റാര്‍സിനു വേണ്ടി 48 മത്സരങ്ങളില്‍ നിന്ന് 855 റണ്‍സ് നേടിയ താരമാണ് ഡേവിഡ് ഹസ്സി. കഴിഞ്ഞ സീസണ്‍ ഫൈനലില്‍ മെല്‍ബേണ്‍ റെനഗേഡ്സിനോടാണ് സ്റ്റാര്‍സ് പരാജയമേറ്റു വാങ്ങിയത്.