ന്യൂസിലാണ്ടിനെതിരെ ഫോളോ ഓൺ ചെയ്യപ്പെട്ട ബംഗ്ലാദേശ് രണ്ടാം ഇന്നിംഗ്സിൽ ഭേദപ്പെട്ട പ്രകടനം പുറത്തെടുത്തു. ആദ്യ ഇന്നിംഗ്സിൽ 126 റൺസിന് ടീം ഓള്‍ഔട്ട് ആയപ്പോള്‍ രണ്ടാം ഇന്നിംഗ്സിൽ ടീം സ്കോര്‍ നൂറ് കടന്നിട്ടുണ്ട്. 36 ഓവര്‍ പിന്നിടുമ്പോള്‍ ബംഗ്ലാദേശ് 105/2 എന്ന നിലയിലാണ്.
ഷദ്മന്‍ ഇസ്ലാം(21), നജ്മുള്‍ ഹൊസൈന്‍ ഷാന്റോ(29) എന്നിവരുടെ വിക്കറ്റുകള്‍ ടീമിന് നഷ്ടമായപ്പോള്‍ മുഹമ്മദ് നൈയിം(24*), മോമിനുള്‍ ഹക്ക്(24*) എന്നിവരാണ് ബംഗ്ലാദേശിനായി ക്രീസിലുള്ളത്. ഇന്നിംഗ്സ് തോല്‍വി ഒഴിവാക്കുവാന്‍ ബംഗ്ലാദേശ് 290 റൺസ് കൂടി നേടേണ്ടതുണ്ട്.
ആതിഥേയര്‍ക്കായി കൈൽ ജാമിസണും നീൽ വാഗ്നറും ഓരോ വിക്കറ്റ് നേടി.
