ധാക്കയുടെ പാളം തെറ്റിച്ച് കിംഗ്സ്, ടീമിനു ആദ്യ പരാജയം

Sports Correspondent

Download the Fanport app now!
Appstore Badge
Google Play Badge 1

ധാക്ക ഡൈനാമൈറ്റ്സിനു ആദ്യ പരാജയം നല്‍കി രാജ്ഷാഹി കിംഗ്സ്. ഇന്നലെ നടന്ന രണ്ട് മത്സരങ്ങളില്‍ ആദ്യത്തേതില്‍ ധാക്ക ഡൈനാമൈറ്റ്സിനെതിരെ 20 റണ്‍സിന്റെ വിജയമാണ് രാജ്ഷാഹി കംഗ്സ് നേടിയത്. ആദ്യ പരാജയം ഏറ്റുവാങ്ങിയെങ്കിലും പോയിന്റ് പട്ടികയില്‍ ഒന്നാം സ്ഥാനത്ത് തന്നെയാണ് ധാക്ക നിലകൊള്ളുന്നത്.

ആദ്യം ബാറ്റ് ചെയ്ത കിംഗ്സ് 6 വിക്കറ്റ് നഷ്ടത്തില്‍ 136 റണ്‍സാണ് നേടിയത്. 31 പന്തില്‍ നിന്ന് 45 റണ്‍സ് നേടിയ മാര്‍ഷല്‍ അയൂബും ഷഹര്യാര്‍ നഫീസും(25) സാക്കിര്‍ ഹസനും(20) ആണ് കിംഗ്സ് നിരയില്‍ തിളങ്ങിയത്. സുനില്‍ നരൈന്‍ മൂന്ന് വിക്കറ്റുമായി ഡൈനാമൈറ്റ്സ് ബൗളര്‍മാരില്‍ തിളങ്ങി.

കരുത്തുറ്റ ധാക്ക ബാറ്റിംഗ് നിര ലക്ഷ്യം അനായാസം മറികടക്കുമെന്നാണ് കരുതപ്പെട്ടതെങ്കിലും സണ്ണിയുടെ ബൗളിംഗിനു മുന്നില്‍ ധാക്ക കീഴടങ്ങുകയായിരുന്നു. 20 ഓവറില്‍ നിന്ന് 116/9 എന്ന സ്കോര്‍ നേടിയാണ് ധാക്ക 20 റണ്‍സ് തോല്‍വിയിലേക്ക് വീണത്. അറാഫത്ത് സണ്ണി മൂന്നും മെഹ്ദി ഹസന്‍ രണ്ടും വിക്കറ്റ് നേടി കിംഗ്സിനു വിജയം ഒരുക്കുകയായിരുന്നു.