ബംഗ്ലാദേശ് പ്രീമിയര്‍ ലീഗിൽ കളിക്കുവാന്‍ ശ്രീലങ്കന്‍ താരങ്ങള്‍ക്കുള്ള അനുമതി വൈകിച്ച് ശ്രീലങ്കന്‍ ബോര്‍ഡ്. ജനുവരി 6ന് ആണ് ടൂര്‍ണ്ണമെന്റ് ആരംഭിയ്ക്കുന്നത്. ടൂര്‍ണ്ണമെന്റിന്റെ ഏതെങ്കിലും ഘട്ടത്തിൽ ശ്രീലങ്കന്‍ താരങ്ങളുടെ പങ്കാളിത്തം ഉറപ്പാക്കാനാകുമോ എന്നാണ് ഇപ്പോള്‍ തങ്ങള്‍ ശ്രമിക്കുന്നതെന്നാണ് ബംഗ്ലാദേശ് ബോര്‍ഡ് അധികാരികള്‍ വ്യക്തമാക്കിയത്.
ശ്രീലങ്കന്‍ ടീമിന്റെ പ്രധാന ഷെഡ്യൂളുകള്‍ ഉള്ളതിനാലാണ് അനുമതി ഇതുവരെ ലഭിയ്ക്കാതിരുന്നതെന്നാണ് അറിയുന്നതെന്ന് ബംഗ്ലാദേശ് ചീഫ് എക്സിക്യൂട്ടീവ് നിസാമ്മുദ്ദീന്‍ ചൗധരി വ്യക്തമാക്കി.
