ഏകദിന പരമ്പരയ്ക്ക് മുമ്പ് ബംഗ്ലാദേശിന് ഭീഷണിയായി മുസ്തഫിസുറിന്റെ പരിക്ക്

Mustafizurrahman

സിംബാബ്‍വേയ്ക്കെതിരെയുള്ള ഏകദിന പരമ്പര നാളെ ആരംഭിക്കുവാനിരിക്കവേ ബംഗ്ലാദേശിന് ഭീഷണിയായി മുസ്തഫിസുര്‍ റഹ്മാന്റെ പരിക്ക്. സന്നാഹ മത്സരത്തിനിടെ ആണ് താരത്തിന് പരിക്കേറ്റത്. മത്സരത്തിനിടെ താരം കളി മതിയാക്കി മടങ്ങുകയായിരുന്നു. അഞ്ച് പന്തുകള്‍ മാത്രം എറിഞ്ഞ താരത്തെ മത്സരത്തിൽ നിന്ന് മാനേജ്മെന്റ് പിന്‍വലിക്കുകയായിരുന്നു.

സിംബാബ്‍വേ സെലക്ട് ഇലവനെതിരെയായിരുന്നു ബംഗ്ലാദേശിന്റെ സന്നാഹ മത്സരം. ഐസ് തെറാപ്പിയ്ക്ക് ശേഷം ഫിസിയോതെറാപ്പിസ്റ്റിന്റെ റിപ്പോര്‍ട്ട് കിട്ടിയ ശേഷമാവും താരം മാച്ച് ഫിറ്റ് ആകുമോ എന്ന കാര്യത്തിൽ വ്യക്തത വരികയുള്ളു.

നേരത്തെ മുഷ്ഫിക്കുര്‍ റഹിം വ്യക്തിപരമായ കാരണങ്ങളാൽ നാട്ടിലേക്ക് മടങ്ങിയിരുന്നു.

Previous articleകേന്ദ്ര കരാര്‍ ഉള്ള താരങ്ങളുടെ വേതനത്തിൽ വര്‍ദ്ധനവ് പ്രഖ്യാപിച്ച് ബംഗ്ലാദേശ് ക്രിക്കറ്റ് ബോര്‍ഡ്
Next articleകോവിഡ് ബാധിച്ചത് ഋഷഭ് പന്തിനെന്ന് സ്ഥിരീകരണം