മടങ്ങി വരവ് ശതകവുമായി ആഘോഷിച്ച് ബൈര്‍സ്റ്റോ

- Advertisement -

ശ്രീലങ്കയ്ക്കെതിരെ കൊളംബോ ടെസ്റ്റിന്റെ ഒന്നാം ദിവസം 312 റണ്‍സ് നേടി ഇംഗ്ലണ്ട്. തുടക്കം പാളിയെങ്കിലും ജോ റൂട്ട്, ബൈര്‍സ്റ്റോ, ബെന്‍ സ്റ്റോക്സ് എന്നിവരുടെ മികച്ച ബാറ്റിംഗ് പ്രകടനം ഇംഗ്ലണ്ടിനെ മികച്ച സ്കോറിലേക്ക് നയിക്കുകയായിരുന്നു. 7 വിക്കറ്റുകളാണ് ടീമിനു ആദ്യം ദിവസം നഷ്ടമായത്. 110 റണ്‍സുമായി ബൈര്‍സ്റ്റോ തന്റെ മടങ്ങി വരവ് ആഘോഷമാക്കിയപ്പോള്‍ ബെന്‍ സ്റ്റോക്സ് 57 റണ്‍സ് നേടി. അര്‍ദ്ധ ശതകത്തിനു 4 റണ്‍സ് അകലെ ജോ റൂട്ട് പുറത്താകുകയായിരുന്നു.

ഒന്നാം ദിവസം അവസാനിക്കുമ്പോള്‍ മോയിന്‍ അലിയും ആദില്‍ റഷീദുമാണ് ക്രീസില്‍ നില്‍ക്കുന്നത്. ഇരുവരും ചേര്‍ന്ന് എട്ടാം വിക്കറ്റില്‍ ഇതുവരെ 18 റണ്‍സ് നേടിയിട്ടുണ്ട്. മോയിന്‍ അലി 23 റണ്‍സും ആദില്‍ റഷീദ് 13 റണ്‍സുമാണ് നേടിയിരിക്കുന്നത്. മോയിന്‍ അലിയുടെ രണ്ട് ക്യാച്ചുകള്‍ ശ്രീലങ്ക കൈവിട്ടപ്പോള്‍ താരം രണ്ട് എല്‍ബിഡബ്ല്യു റിവ്യുകളും അതിജീവിച്ച്.

4 വിക്കറ്റ് നേടിയ ലക്ഷന്‍ സണ്ടകന്‍ ആണ് ശ്രീലങ്കയ്ക്കായി തിളങ്ങിയത്. മലിന്‍ഡ പുഷ്പകുമാര രണ്ട് വിക്കറ്റും ദില്‍രുവന്‍ പെരേര ഒരു വിക്കറ്റും നേടി.

Advertisement