ചായയ്ക്ക് പിരിയുമ്പോള്‍ ഓസ്ട്രേലിയ 117/4 എന്ന നിലയില്‍

- Advertisement -

അഡിലെയ്ഡ് ടെസ്റ്റിന്റെ രണ്ടാം ദിവസം ചായയ്ക്ക് പിരിയുമ്പോള്‍ ഓസ്ട്രേലിയ 117/4 എന്ന നിലയില്‍. ഇന്ത്യയുടെ ഒന്നാം ഇന്നിംഗ്സ് സ്കോറായ 250 റണ്‍സ് പിന്തുടരാനിറങ്ങിയ ഓസ്ട്രേലിയ 87/4 എന്ന നിലയിലേക്ക് വീണ ശേഷമാണ് 30 റണ്‍സ് അഞ്ചാം വിക്കറ്റ് കൂട്ടുകെട്ടിന്റെ മികവില്‍ കൂടുതല്‍ വിക്കറ്റ് നഷ്ടമില്ലാതെ ചായ വരെ എത്തിയത്. അവസാന സെഷനില്‍ ഈ കൂട്ടുകെട്ട് തകര്‍ക്കുക എന്ന ലക്ഷ്യത്തോടെയാവും ഇന്ത്യ എത്തുക.

പീറ്റര്‍ ഹാന്‍ഡ്സ്കോമ്പ് 33 റണ്‍സും ട്രാവിസ് ഹെഡ് 17 റണ്‍സുമായാണ് ക്രീസില്‍ നില്‍ക്കുന്നത്. ഓസ്ട്രേലിയ 133 റണ്‍സ് പിന്നിലായാണ് ഇപ്പോള്‍ നിലകൊള്ളുന്നത്. ഇന്ത്യയ്ക്കായി മൂന്ന് വിക്കറ്റുമായി രവിചന്ദ്രന്‍ അശ്വിന്‍ മികവ് പുലര്‍ത്തി.

Advertisement