വിജയം അഞ്ച് വിക്കറ്റ് അകലെ, ഓസ്ട്രേലിയയ്ക്ക് മേല്‍ക്കൈ

- Advertisement -

പെര്‍ത്തില്‍ നാലാം ദിവസം ചായയ്ക്കായി ടീമുകള്‍ പിരിയുമ്പോള്‍ ഓസ്ട്രേലിയയ്ക്ക് മേല്‍ക്കൈ. തങ്ങളുടെ രണ്ടാം ഇന്നിംഗ്സ് 217/9 എന്ന നിലയില്‍ ഡിക്ലയര്‍ ചെയ്ത ഓസ്ട്രേലിയ ന്യൂസിലാണ്ടിന്റെ അഞ്ച് വിക്കറ്റാണ് രണ്ടാം ഇന്നിംഗ്സില്‍ നേടിയത്. 370 റണ്‍സ് ഇനിയും നേടേണ്ട ന്യൂസിലാണ്ടിന് മത്സരം സമനില ആക്കുവാന്‍ പോലും വിദൂര സാധ്യത മാത്രമേയുള്ളു. ഇന്ന് വീണ്ട ന്യൂസിലാണ്ടിന്റെ അഞ്ച് വിക്കറ്റില്‍ മൂന്നും നഥാന്‍ ലയണാണ് വീഴ്ത്തിയത്. രണ്ടാം ഇന്നിംഗ്സില്‍ ടീ ബ്രേക്കിനായി ടീമുകള്‍ പിരിയുമ്പോള്‍ ഓസ്ട്രേലിയ 98/5 എന്ന നിലയിലാണ്.

20 റണ്‍സുമായി നില്‍ക്കുന്ന ബിജെ വാട്‍ളിംഗ് ആണ് ന്യൂസിലാണ്ടിനായി ഒരു വശത്ത് പൊരുതുന്നത്. മിച്ചല്‍ സ്റ്റാര്‍ക്കിന് രണ്ട് വിക്കറ്റ് ലഭിച്ചു. റോസ് ടെയിലര്‍(22), ഹെന്‍റി നിക്കോളസ്(21) എന്നിവരാണ് പുറത്തായ മറ്റ് താരങ്ങള്‍.

Advertisement