ഏഷ്യ കപ്പ് U19 ക്രിക്കറ്റില്‍ പാക്കിസ്ഥാനെ വീഴ്ത്തി ബംഗ്ലാദേശ്. 187 റണ്‍സിനു പാക്കിസ്ഥാനെ ചെറുത്ത് നിര്‍ത്തിയ ശേഷം 47.2 ഓവറില്‍ നിന്നാണ് 7 വിക്കറ്റുകളുടെ നഷ്ടത്തില്‍ ബംഗ്ലാദേശ് ഈ വിജയം സ്വന്തമാക്കിയത്. 65 റണ്‍സ് നേടി റിട്ടയര്‍ഡ് ഹര്‍ട്ടായ ഷമീം ഹൊസൈന്‍, 58 റണ്‍സ് നേടി പുറത്തായ പ്രാന്തിക് നവ്രോസ് നബില്‍ എന്നിവരുടെ പ്രകടനത്തിനൊപ്പം അക്ബര്‍ അലി(17*), സാജിദ് ഹൊസൈന്‍(21) എന്നിവരാണ് ബംഗ്ലാദേശിന്റെ വിജയത്തിനു കളമൊരുക്കിയത്. പാക്കിസ്ഥാനു വേണ്ടി മുഹമ്മദ് മൂസ 3 വിക്കറ്റ് നേടി.
നേരത്തെ ആദ്യം ബാറ്റ് ചെയ്ത പാക്കിസ്ഥാന്‍ വഖാര്‍ അഹമ്മദ്(67), സയിം അയൂബ്(49) എന്നിവരുടെ ബാറ്റിംഗ് മികവിലാണ് 187 റണ്‍സ് നേടിയത്. മറ്റു താരങ്ങളില്‍ നിന്ന് വേണ്ടത്ര പിന്തുണ ലഭിയ്ക്കാതെ വന്നപ്പോള്‍ പാക്കിസ്ഥാന്‍ നിര 45.2 ഓവറില്‍ ഓള്‍ഔട്ട് ആയി. രോഹൈല്‍ നസീര്‍(23), മുഹമ്മദ് ജൂനൈദ്(24) എന്നിവരാണ് റണ്‍സ് കണ്ടെത്തിയ മറ്റു താരങ്ങള്‍.
മൂന്ന് വിക്കറ്റ് നേടയി റിഷാദ് ഹൊസൈനൊപ്പം ഷോരിഫുള്‍ ഇസ്ലാം രണ്ട് വിക്കറ്റുമായി ഒപ്പം കൂടിയപ്പോള്‍ മൃത്യുഞ്ജയ് ചൗധരി, അവിശേക് ദാസ്, റാകിബുള്‍ ഹസന്‍ എന്നിവരാണ് വിക്കറ്റ് പട്ടികയില്‍ ബംഗ്ലാദേശിനായി ഇടം പിടിച്ച മറ്റു താരങ്ങള്‍.
