ഏത് ബാറ്റിംഗ് നിരയെ തകര്‍ക്കുവാനുള്ള പേസര്‍മാര്‍ ഇപ്പോളും പാക്കിസ്ഥാന്റെ പക്കലുണ്ട് – സഖ്‍ലൈന്‍ മുഷ്താഖ്

Pakpacers

ഷഹീന്‍ അഫ്രീദിയുടെ അഭാവത്തിലും പാക്കിസ്ഥാന്റെ പേസ് ബൗളിംഗ് നിരയ്ക്ക് ഏത് ബാറ്റിംഗ് നിരയെയും തകര്‍ക്കുവാനുള്ള ശേഷിയുണ്ടെന്ന് പറഞ്ഞ് മുന്‍ പാക്കിസ്ഥാന്‍ താരം സഖ്‍ലൈന്‍ മുഷ്താഖ്. നസീം ഷാ, ഹാരിസ്, റൗഫ്, മുഹമ്മദ് ഹസ്നൈന്‍ എന്നിവരടങ്ങിയ പേസ് നിരയ്ക്ക് ലോകത്തിലെ ഏത് ബാറ്റിംഗ് നിരയെയും തകര്‍ക്കുവാനുള്ള കഴിവുള്ളവരാണെന്നും താരം വ്യക്തമാക്കി.

ഇന്ത്യയും പാക്കിസ്ഥാനും തമ്മിൽ ഞായറാഴ്ച നടക്കുന്ന സൂപ്പര്‍ പോരാട്ടത്തിൽ ഇരു ടീമുകളിലും പ്രധാന ബൗളറുടെ അഭാവം ഉണ്ട്. ഇന്ത്യയ്ക്ക് വേണ്ടി ജസ്പ്രീത് ബുംറയും പാക്കിസ്ഥാന് വേണ്ടി ഷഹീന്‍ അഫ്രീദിയും ഏഷ്യ കപ്പിൽ കളിക്കുന്നില്ല.