ഇന്ത്യയ്ക്കെതിരെയുള്ള പാക്കിസ്ഥാന്റെ വിജയത്തിൽ നിര്‍ണ്ണായക പങ്ക് വഹിച്ചത് മൊഹമ്മദ് റിസ്വാനും മൊഹമ്മദ് നവാസും ആയിരുന്നു. നവാസിനെ ബാറ്റിംഗ് ഓര്‍ഡറിൽ പ്രൊമോട്ട് ചെയ്യുവാനുള്ള കാരണം പാക്കിസ്ഥാന്‍ ക്യാപ്റ്റന്‍ ബാബര്‍ അസം വ്യക്തമാക്കിത് ഇപ്രകാരം ആണ്.
ലെഗ് സ്പിന്നര്‍മാര്‍ക്കെതിരെ നവാസിന് മികവ് പുലര്‍ത്താനാകുമെന്നൊരു തോന്നൽ തനിക്കുണ്ടായിരുന്നുവെന്നാണ് ബാബര്‍ അസം വ്യക്തമാക്കിയത്. മത്സരം മാറ്റി മറിച്ചത് റിസ്വാന്റെയും നവാസിന്റെയും കൂട്ടുകെട്ടാണെന്നും ബാബര്‍ കൂട്ടിചേര്‍ത്തു.
പവര്‍പ്ലേയിൽ ഇന്ത്യ വ്യക്തമായ മേൽക്കൈ നേടിയെന്നും അവരെ 181 റൺസിലൊതുക്കുവാന്‍ സാധിച്ചത് ബൗളര്‍മാരുടെ കഴിവാണെന്നും ബാബര്‍ പറ‍ഞ്ഞു.
