ശേഷിക്കുന്ന സൂപ്പര്‍ ഫോര്‍ മത്സരത്തില്‍ ബംഗ്ലാദേശ് ടീമിലേക്ക് സൗമ്യ സര്‍ക്കാരിനെയും ഇമ്രുല്‍ കൈസിനെയും തിരികെ വിളിച്ച് ക്രിക്കറ്റഅ ബോര്‍ഡ്. തമീം ഇക്ബാലിന്റെ പരിക്കും ലിറ്റണ്‍ ദാസ്, നസ്മുള്‍ ഹൊസൈന്‍ എന്നിവരുട മോശം ഫോമുമാണ് പുതിയ താരങ്ങളെ ടീമിലെത്തിക്കുവാന്‍ ബംഗ്ലാദേശിനെ പ്രേരിപ്പിച്ചിരിക്കുന്നത്. ലിറ്റണ്‍ ദാസും നസ്മുള്‍ ഹൊസൈനും ഇതുവരെ ടൂര്‍ണ്ണമെന്റില്‍ രണ്ടക്കം കടന്നിട്ടില്ല.
സൗമ്യ സര്‍ക്കാരും ഇമ്രുല്‍ കൈസും ബംഗ്ലാദേശിനു വേണ്ടി ഏകദിനം കളിച്ചത് ഒരു വര്‍ഷത്തോളം മുമ്പ് ഒക്ടോബര്‍ 22നായിരുന്നു. ഇന്ത്യയോട് പരാജയപ്പെട്ട ബംഗ്ലാദേശ് നാളെ അഫ്ഗാനിസ്ഥാനെ സൂപ്പര്‍ 4 ഫിക്സ്ച്ചറില്‍ നേരിടും. പ്രാഥമിക റൗണ്ടില്‍ അഫ്ഗാനിസ്ഥാനോട് ബംഗ്ലാദേശ് പരാജയപ്പെട്ടിരുന്നു.
