ഇതിഹാസ താരം സച്ചിൻ തെൻഡുൽക്കറുടെ മകനായ അർജുൻ തെൻഡുൽക്കർക്ക് രഞ്ജി ട്രോഫി അരങ്ങേറ്റത്തിൽ സെഞ്ച്വറി. ഇന്ന് ഗോവയ്ക്ക് വേണ്ടി രഞ്ജിയിൽ അരങ്ങേറ്റം നടത്തിയ അർജുൻ ഇപ്പോൾ 120 റൺസുമായി പുറത്താകാതെ നിൽക്കുകയാണ്. ബൗളർ ആണെങ്കിലും ബാറ്റ് കൊണ്ട് തനിക്ക് കഴിവ് തെളിയിക്കാൻ ആകും എന്ന് അർജുൻ തെൻഡുൽക്കർ കാണിച്ചിരിക്കുകയാണ്.
34 വർഷം മുമ്പ് സച്ചിനും തന്റെ രഞ്ജി അരങ്ങേറ്റത്തിൽ സെഞ്ച്വറി നേടിയിരുന്നു. രാജസ്ഥാന് എതിരായ മത്സരത്തിൽ ഗോവ ഇപ്പോൾ 422/5 എന്ന നിലയിലാണ്. ഏഴാമനായി ഇറങ്ങിയാണ് അർജുൻ സെഞ്ച്വറി തികച്ചത്. ഇപ്പോൾ 206 പന്തിൽ 120 റൺസ് ആണ് അർജുന് ഉള്ളത്. 2 സിക്സും 16 ഫോറും ഉൾപ്പെടുന്നതാണ് ഇന്നിങ്സ്.
175 റൺസുമായി സുയാഷും ക്രീസിൽ ഉണ്ട്. 25 ബൗണ്ടറികൾ ആണ് സുയാഷിന്റെ ഇന്നിങ്സിൽ ഉള്ളത്.
