ലോകകപ്പില് പാക്കിസ്ഥാന് മുഹമ്മദ് അമീര് ഇല്ലാതെ ടീം പ്രഖ്യാപിച്ചുവെങ്കിലും താരത്തിനു ഇംഗ്ലണ്ട് പരമ്പരയിലെ പ്രകടനത്തിന്റെ അടിസ്ഥാനത്തില് വീണ്ടും അവസരം കൂടിയുണ്ടെന്ന് വെളിപ്പെടുത്തി പാക്കിസ്ഥാന് നായകന് സര്ഫ്രാസ് അഹമ്മദ്. പരിശീലന ക്യാമ്പിലും സന്നാഹ മത്സരത്തിലും താരം മികച്ച രീതിയിലാണ് പന്തെറിഞ്ഞത്. അതേ സമയം താരത്തിനു ഇംഗ്ലണ്ടില് ഒരവസരം ടീം മാനേജ്മെന്റ് നല്കുമെന്ന് തന്നെയാണ് പറഞ്ഞത്.
ആറ് പേസ് ബൗളര്മാരെ ടീമില് ഉള്പ്പെടുത്തിയത് ബൗളര്മാരെ മാറ്റി പരീക്ഷിക്കുവാനാണെന്നും പാക് നായകന് വ്യക്തമാക്കി. രണ്ട് വര്ഷം മുമ്പ് ഇന്ത്യയ്ക്കെതിരെ ഐസിസി ചാമ്പ്യനവ്സ് ട്രോഫിയില് മികവ് പുലര്ത്തിയ ശേഷം അമീര് ഫോം ഔട്ട് ആവുന്ന കാഴ്ചയാണ് പിന്നീട് കണ്ടത്. ഈ കാലയളവില് വെറും 5 വിക്കറ്റുകളാണ് താരം 101 ഓവറുകളില് നിന്ന് നേടിയിട്ടുള്ളത്.
