എബി ഡി വില്ലിയേഴ്സ് പരിക്കേറ്റപ്പോള്‍ ടീമില്‍ ഇടം ലഭിച്ച എയ്ഡന്‍ മാര്‍ക്രം ഇന്ത്യയ്ക്കെതിരെയുള്ള പരമ്പരയില്‍ ആതിഥേയരെ നയിക്കും. ഫാഫ് ഡു പ്ലെസി പരിക്കേറ്റ് പുറത്തായ ശേഷമാണ് താരത്തിനു നായക സ്ഥാനം കൂടി ലഭിച്ചിരിക്കുന്നത്. ഏകദിന പരമ്പരയില്‍ എയ്ഡന്‍ ടീമിനെ നയിക്കുമെങ്കിലും ടി20 പരമ്പരയിലെ നായകന്‍ ആരെന്ന് പിന്നീട് തീരുമാനിക്കുപ്പെടും.
ഭാവിയിലേക്കുള്ള കാല്‍വെപ്പ് കൂടിയാണ് ഈ തീരുമാനമെന്നാണ് ദക്ഷിണാഫ്രിക്കന്‍ സെലക്ടര്‍മാര്‍ ഈ തീരൂമാനത്തെക്കുറിച്ച് പറഞ്ഞത്. ഇതുവരെ വെറും 2 ഏകദിനങ്ങള്‍ മാത്രമാണ് എയ്ഡന്‍ മാര്‍ക്രം ദക്ഷിണാഫ്രിക്കയ്ക്കായി കളിച്ചിട്ടുള്ളത്. 2014ല്‍ ദക്ഷിണാഫ്രിക്കയുടെ U-19 ടീമിനെ ലോകകപ്പ് കിരീടത്തിലേക്ക് നയിക്കുവാനുള്ള ഭാഗ്യം മാര്‍ക്രത്തിനു ലഭിച്ചിട്ടുണ്ട്.
കൂടുതൽ കായിക വാർത്തകൾക്ക് : www.facebook.com/FanportOfficial
