കട്ടിംഗിന്റെ പോരാട്ടം വിഫലം, ലെപ്പേര്‍ഡ്സിനെ കീഴടക്കി പാന്തേഴ്സ്

പാക്തിയ പാന്തേഴ്സിനെതിരെ തകര്‍പ്പന്‍ ബാറ്റിംഗ് പ്രകടനം ബെന്‍ കട്ടിംഗ് നടത്തിയെങ്കിലും നാംഗാര്‍ഹര്‍ ലെപ്പേര്‍ഡ്സിനു വിജയം സ്വന്തമാക്കാനായില്ല. ഇന്നലെ അഫ്ഗാനിസ്ഥാന്‍ പ്രീമിയര്‍ ലീഗിലെ നാലാം മത്സരത്തില്‍ 21 റണ്‍സിന്റെ ജയമാണ് പാക്തിയ പാന്തേഴ്സ് നേടിയത്. മുഹമ്മദ് ഷെഹ്സാദ്(53), കാമറൂണ്‍ ഡെല്‍പോര്‍ട്ട്(35), സമിയുള്ള ഷെന്‍വാരി(38*) എന്നിവരുടെ ബാറ്റിംഗ് പ്രകടനത്തില്‍ 8 വിക്കറ്റ് നഷ്ടത്തില്‍ 184 റണ്‍സ് നേടിയ പാക്തിയ ബെന്‍ കട്ടിംഗിന്റെ 39 പന്തില്‍ നിന്നുള്ള 71 റണ്‍സിനെ അതിജീവിച്ച് ജയം സ്വന്തമാക്കി.

71 റണ്‍സും മൂന്ന് വിക്കറ്റും നേടിയ ബെന്‍ കട്ടിംഗ് ആണ് കളിയിലെ താരം. ഇത് രണ്ടാം തവണയാണ് തുടര്‍ച്ചയായ മത്സരങ്ങളില്‍ താരം ഈ നേട്ടം നേടുന്നത്. 20 ഓവറില്‍ 163/6 എന്ന സ്കോര്‍ നേടിയ ലെപ്പേര്‍ഡ്സിനായി ഹസ്മത്തുള്ള ഷഹീദ് 49 റണ്‍സുമായി പുറത്താകാതെ നിന്നു.