ബംഗ്ലാദേശിന്റെ സെലക്ടര്‍ ആയി മുന്‍ ഇടം കൈയ്യന്‍ സ്പിന്നര്‍ അബ്ദുര്‍ റസാഖിനെ ചുമതലപ്പെടുത്തി. ദേശീയ സെലക്ഷന്‍ പാനലിലേക്ക് താരത്തിനെ ഉള്‍പ്പെടുത്തുകയായിരുന്നു. 2020ല്‍ റസാഖിന് ഈ അവസരം നല്‍കിയതാണെങ്കിലും അന്ന് കൊറോണ കാരണം ഈ അവസരം നീട്ടുവാന്‍ ബംഗ്ലാദേശ് തീരുമാനിക്കുകയായിരുന്നു.
സൂം കോളിലൂടെ ചേര്‍ന്ന മീറ്റിംഗിന് ശേഷമാണ് അബ്ദുര്‍ റസാഖിനെ നിയമിക്കുവാനുള്ള തീരുമാനം കൈക്കൊണ്ടതായി ബോര്‍ഡ് അറിയിച്ചത്. ആഭ്യന്തര ക്രിക്കറ്റില്‍ ഇപ്പോളും സജീവമായി നില്‍ക്കുന്ന അബ്ദുര്‍ റസാഖ് ഉടന്‍ തന്റെ വിരമിക്കല്‍ തീരുമാനം പ്രഖ്യാപിക്കുമെന്നാണ് അറിയുന്നത്.
