യൂറോപ്പാ ലീഗിൽ ഇറ്റാലിയൻ ടീമായ ലാസിയോവിന് തകർപ്പൻ വിജയം. ഇന്ന് നടന്ന മത്സരത്തിൽ ഫ്രഞ്ച് ക്ലബായ ഒളിമ്പിക് മാഴ്സയെ ഒന്നിനെതിരെ മൂന്നു ഗോളുകൾക്കാണ് ലാസിയോ തോൽപ്പിച്ചത്. ഇറ്റാലിയൻ ലീഗിലെ തങ്ങളുടെ മികച്ച ഫോം യൂറോപ്പയിലും ലാസിയോ പുറത്ത് എടുക്കുകയായിരുന്നു. മാഴ്സയുടെ ഹോമിൽ നിന്നായിരുന്നു ഈ വിജയം.
ലാസിയോക്കായി വല്ലാസ്, കയിസേഡോ, മരൂസിച് എന്നിവർ ഗോളുകൾ നേടി. പയെറ്റ് ആണ് മാഴ്സയുടെ ആശ്വാസ ഗോൾ നേടിയത്. ലാസിയോയുടെ മൂന്ന് ഗോളുകളിൽ രണ്ട് ഗോളുകൾ ഒരുക്കിയത് ഇമ്മൊബിലെ ആയിരുന്നു. ഗ്രൂപ്പ് എച്ചിൽ ഒരു പോയന്റ് മാത്രമെ മാഴ്സയ്ക്ക് ഉള്ളൂ.
