ഇന്ത്യയ്ക്കെതിരെ ഏഷ്യ കപ്പ് ഫൈനലില്‍ ബംഗ്ലാദേശ് ഓപ്പണിംഗില്‍ ഒരു പരീക്ഷണം നടത്തിയിരുന്നു. സ്പിന്നര്‍ മെഹ്ദി ഹസനെ ഓപ്പണറായി പരീക്ഷിച്ച ബംഗ്ലാദേശിനു ഒന്നാം വിക്കറ്റ് കൂട്ടുകെട്ടില്‍ 120 റണ്‍സാണ് ലിറ്റണ്‍ ദാസിനൊപ്പം മെഹ്ദി ഹസന് നേടിയത്. 59 പന്തില്‍ 32 റണ്‍സാണ് കരിയറില്‍ താന്‍ ആദ്യമായി ഓപ്പണ്‍ ചെയ്തപ്പോള്‍ മെഹ്ദി ഹസന് നേടിയത്. മറുവശത്ത് ലിറ്റണ്‍ ദാസ് അടിച്ച് തകര്‍ത്തപ്പോള്‍ മെഹ്ദി ഹസന് സ്ട്രൈക്ക് കൈമാറി താരത്തിനു കൂടുതല്‍ അവസരങ്ങള്‍ സൃഷ്ടിച്ചു നല്‍കി.
അണ്ടര്‍ 19 ടൂര്‍ണ്ണമെന്റുകളില്‍ ബംഗ്ലാദേശിനു വേണ്ടി യഥേഷ്ടം റണ്‍സ് കണ്ടെത്തിയിട്ടുള്ള താരമാണ് മെഹ്ദി ഹസന്. 2016 അണ്ടര്‍ 19 ക്രിക്കറ്റ് ലോകകപ്പില്‍ താരം തുടരെ 4 അര്‍ദ്ധ ശതകങ്ങള്‍ സ്വന്തമാക്കിയിരുന്നു. ടൂര്‍ണ്ണമെന്റ് ചരിത്രത്തില്‍ ഈ നേട്ടം കൈവരിക്കുന്ന ആദ്യ താരം കൂടിയായ മെഹ്ദി ഹസന്റെ ഈ റെക്കോര്‍ഡിനൊപ്പം ഇന്ത്യയുടെ ശുഭ്മന്‍ ഗില്‍ ഈ വര്‍ഷം എത്തി.
ബാറ്റിംഗ് ഓപ്പണ്‍ ചെയ്ത ശേഷം ബൗളിംഗിലും മെഹ്ദി ഹസന് തന്നെയാണ് ഓപ്പണ്‍ ചെയ്തത്. ബംഗ്ലാദേശിനു വേണ്ടി ഈ നേട്ടം കൈക്കലാക്കുന്ന ആദ്യത്തെ താരം കൂടിയായി മെഹ്ദി ഹസന്. 43 താരങ്ങളാണ് ഈ പട്ടിയിലുള്ളത്. ഏഷ്യ കപ്പില്‍ മാത്രം അഞ്ച് താരങ്ങള്‍ ഈ നേട്ടം കൈവിരിച്ചിട്ടുണ്ട്. ഇന്ത്യയ്ക്കായി 1980ല്‍ റോജര്‍ ബിന്നിയാണ് ഈ നേട്ടം കൈവരിച്ചിട്ടുള്ളത്.
