ജര്‍മ്മനിയില്‍ ആവേശകരമായ വിജയം സ്വന്തമാക്കി ലൂയിസ് ഹാമിള്ട്ടണ്. അപകടത്തില്‍ പെട്ട് സെബാസ്റ്റ്യന്‍ വെറ്റല്‍ പുറത്തായ മത്സരത്തില്‍ ഹാമിള്ട്ടണ് വെല്ലുവിളി ഉയര്‍ത്തിയത് സഹതാരം വാള്‍ട്ടേരി ബോട്ടാസ് ആയിരുന്നു. ബോട്ടാസ് തന്നെയാണ് രണ്ടാം സ്ഥാനത്ത് എത്തിയത്. ഫെരാരിയുടെ കിമി റൈക്കണന്‍ മൂന്നാം സ്ഥാനത്തെത്തി.
നാല് അഞ്ച് സ്ഥാനങ്ങളില്‍ റെഡ് ബുള്ളിന്റെ മാക്സ് വെര്‍സ്റ്റാപ്പെനും റെനോള്‍ട്ടിന്റെ നിക്കോ ഹള്‍ക്കന്‍ബര്‍ഗും ഫിനിഷ് ചെയ്തു. 14ാം സ്ഥാനത്ത് നിന്നാണ് റേസ് ഹാമിള്ട്ടണ് ആരംഭിച്ചത്. റേസ് ആരംഭിച്ച സ്ഥാനത്ത് നിന്ന് വിജയം നേടാനായതില്‍ ഏറെ സന്തോഷമുണ്ടെന്നാണ് മത്സര ശേഷം ലൂയിസ് ഹാമിള്ട്ടണ് പറഞ്ഞത്.
ചാമ്പ്യന്‍ഷിപ്പില്‍ വെറ്റലിനെക്കാള്‍ 17 പോയിന്റ് മുന്നിലായാണ് ഇപ്പോള്‍ ലൂയിസ് സ്ഥിതി ചെയ്യുന്നത്. സ്വന്തം നാട്ടില്‍ നടന്ന മത്സരത്തില്‍ പോള്‍ പൊസിഷനില്‍ നിന്ന് മത്സരം ആരംഭിച്ചുവെങ്കിലും വെറ്റലിന്റെ കാര്‍ അപകടത്തില്‍ പെട്ട് പുറത്ത് പോകുകയായിരുന്നു. ഹാമിള്ട്ടണ് 188 പോയിന്റും വെറ്റലിനു 171 പോയിന്റുമാണ് 11 റേസുകള്‍ക്ക് ശേഷമുള്ളത്.
കൂടുതൽ കായിക വാർത്തകൾക്ക് : www.facebook.com/FanportOfficial
