“നെയ്മർ അഭിനേതാവല്ല” – ലുകാകു

ബ്രസീൽ സ്റ്റാർ നെയ്മർ കളത്തിൽ അഭിനയിക്കുന്നു എന്ന വിമർശനങ്ങളിൽ അഭിപ്രായം പറഞ്ഞ് ലുകാകു. നെയ്മർ അഭിനേതാവാണെന്ന് താൻ കരുതുന്നില്ല എന്നാണ് ലുകാകു പറഞ്ഞത്. നെയ്മർ ഈ ലോകത്തെ എറ്റവും മികച്ച താരമാകാനുള്ള കഴിവുള്ള താരമാണെന്നും ലുകാകു പറഞ്ഞു.

ഇന്ന് ക്വാർട്ടറിൽ ലുകാകുവും നെയ്മറും നേർക്കുനേർ വരാൻ ഇരിക്കുകയാണ്. നെയ്മറിനെതിരെ കളിക്കാൻ കഴിയുന്നതിൽ സന്തോഷമുണ്ടെന്നും ലുകാകു പറഞ്ഞു. ഇത് രണ്ടാം തവണയാണ് ഇരുവരും നേർക്കുനേർ വരുന്നത്. ലോക ഫുട്ബോൾ നിരീക്ഷകരിൽ പലരുൻ നെയ്മറിന്റെ അഭിനയത്തിനെ പഴിച്ച് എത്തുമ്പോഴാണ് ലുകാകു നെയ്മറിന് പിന്തുണയുമായി എത്തിയിരിക്കുന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial