കൊൽക്കത്തയിലെ ജെ യു സെക്കൻഡ് കാമ്പസിൽ നടക്കുന്ന കേരളവും ബംഗാളും തമ്മിലുള്ള രഞ്ജി ട്രോഫി പോരാട്ടത്തിൽ കേരളം 120 ഓവറിൽ 356/9 എന്ന നിലയിൽ ഒന്നാം ഇന്നിംഗ്സ് ഡിക്ലയർ ചെയ്തു. ഒന്നാം ഇന്നിംഗ്സിൽ സൽമാൻ നിസാറും 95* മുഹമ്മദ് അസ്ഹറുദ്ദീനും 84 മികച്ച ബാറ്റിംഗ് ആണ് കാഴ്ചവെച്ചത്. ജലജ് സക്‌സേന 84 റൺസും നേടി.
ബംഗാളിൻ്റെ ഇഷാൻ പോറൽ 103 റൺസിന് 6 വിക്കറ്റ് വീഴ്ത്തി. മറുപടി ബാറ്റിങ്ങിനിറങ്ങിയ ബംഗാൾ ജാഗ്രതയോടെ തുടങ്ങി. ഇന്ന് ഉച്ചഭക്ഷണത്തിന് പിരിയുമ്പോൾ 14/0 എന്ന നിലയിലാണ് ടീം. ഷുവം ഡേ (7), സുദീപ് ചാറ്റർജി (7) എന്നിവർ ആണ് ക്രീസിൽ ഉള്ളത്.
ബംഗാൾ ഇപ്പോൾ 342 റൺസിന് പിന്നിലാണ്.
