ഷാംഗായിയിൽ നടക്കുന്ന ആര്‍ച്ചറി ലോകകപ്പിൽ ഇന്ത്യയുടെ കുതിപ്പ്. ഇന്ന് മൂന്ന് സ്വര്‍ണ്ണമാണ് ഇന്ത്യ നേടിയത്. കോംപൗണ്ട് വനിത ടീം ഇവന്റിൽ ഇന്ത്യയുടെ ജ്യോതി വെന്നം, അതിഥി സ്വാമി, പ്രണീത് കൗര്‍ എന്നിവരടങ്ങിയ ടീം ഇറ്റലിയെ 236-226 എന്ന സ്കോറിന് പരാജയപ്പെടുത്തിയാണ് ആദ്യ സ്വര്‍ണ്ണം നേടിയത്. കോംപൗണ്ട് പുരുഷ ടീം അടുത്തതായി സ്വര്‍ണ്ണം നേടി.
അഭിഷേക്, പ്രഥമേഷ്, പ്രിയാന്‍ഷ് എന്നിവര്‍ ഫൈനലില്‍ നെതര്‍ലാണ്ട്സിനെ 238-231 എന്ന സ്കോറിന് പരാജയപ്പെടുത്തിയത്. എസ്റ്റോണിയയെ ത്രില്ലര്‍ മത്സരത്തിൽ 158-157 എന്ന സ്കോറിന് പരാജയപ്പെടുത്തി ജ്യോതി വെന്നം – അഭിഷേക് വര്‍മ്മ കൂട്ടുകെട്ട് കോംപൗണ്ട് മിക്സഡ് ടീം ഇവന്റിലും വിജയം കൊയ്ത് ഇന്ത്യയുടെ മൂന്നാം സ്വര്‍ണ്ണം ഉറപ്പാക്കി.
