ഷെഫീൽഡ് യുണൈറ്റഡിൻവ് തോൽപ്പിച്ച് കൊണ്ട് ലിവർപൂൾ ലീഗിൽ ഒന്നാം സ്ഥാനത്ത് തിരികെയെത്തി. ഇന്ന് ആൻഫീൽഡിൽ നടന്ന മത്സരത്തിൽ ഒന്നിനെതിരെ 3 ഗോളുകൾക്ക് ആയിരുന്നു ലിവർപൂളിന്റെ വിജയം. ഈ വിജയത്തോടെ 8 മത്സരങ്ങൾ മാത്രം ശേഷിക്കെ ഒന്നാം സ്ഥാനത്ത് 2 പോയിന്റിന്റെ ലീഡിൽ നിൽക്കുകയാണ് ലിവർപൂൾ.
ഇന്ന് നല്ല രീതിയിൽ കളി ആരംഭിച്ച ലിവർപൂൾ 17ആം മിനുട്ടിൽ ഡാർവിൻ നുനിയസിലൂടെ ലീഡ് എടുത്തു. ഈ ഗോളിന് ശേഷവും കളിയിൽ ലിവർപൂൾ തന്നെ ആധിപത്യം തുടർന്നു. രണ്ടാം പകുതിയിൽ 58ആം മിനുട്ടിൽ ഒരു സെൽഫ് ഗോളിലൂടെ ആയിരുന്നു ഷെഫീൽഡ് സമനില പിടിച്ചത്.
ഇത് കളി ആവേശകരമാക്കി. 77ആം മിനുട്ടിൽ മകാലിസ്റ്ററിന്റെ ഒരു ഗംഭീര സ്ട്രൈക്ക് ലിവർപൂളിന് ലീഡ് തിരികെ നൽകി. പെനാൾട്ടി ബോക്സിന്റെ എഡ്ജിൽ നിന്ന് മകാലിസ്റ്റർ തൊടുത്ത ഷോട്ട് ഈ സീസണിൽ കണ്ട മികച്ച ഗോളുകളിൽ ഒന്നായിരിന്നു. ഇതിനു ശേഷം 90ആം മിനുട്ടിൽ ഗാക്പോയുടെ ഗോൾ ലിവർപൂളിന്റെ വിജയം ഉറപ്പിച്ചു.
ഈ വിജയം ലിവർപൂളിനെ 30 മത്സരങ്ങളിൽ നിന്ന് 70 പോയിന്റിൽ നിർത്തുന്നു. രണ്ടാമതുള്ള ആഴ്സണലിന് 68 പോയിന്റാണ് ഉള്ളത്.
