ഇന്ത്യയും വെസ്റ്റ് ഇൻഡീസും തമ്മിലുള്ള രണ്ടാം ടെസ്റ്റിന്റെ നാലാം ദിനത്തിൽ സിറാജ് നടത്തിയ മികച്ച ബൗളിംഗ് പ്രകടനത്തെ പ്രശംസിച്ച് വെസ്റ്റ് ഇൻഡീസ് പേസ് ഇതിഹാസം കോട്‌നി വാൽഷ്. സിറാജ് ഇന്നലെ ടെസ്റ്റ് ക്രിക്കറ്റിലെ തന്റെ രണ്ടാമത്തെ 5 വിക്കറ്റ് നേട്ടം സ്വന്തമാക്കിയിരുന്നു.50-ന് 5 എന്ന തന്റെ ഏറ്റവും മികച്ച ടെസ്റ്റ് ബൗളിങ് ഫിഗറുൻൽമ് താരം സ്വന്തമാക്കി.
“സിറാജ് കാണിച്ച നിയന്ത്രണം, പുതിയ പന്തിൽ അവർക്ക് ലഭിച്ച സ്വിംഗ്, വ്യക്തമായും, ഒരു ഫാസ്റ്റ് ബൗളർ എന്ന നിലയിൽ, അതാണ് നിങ്ങൾ കാണാൻ ഇഷ്ടപ്പെടുന്നത്.” വാൽഷ് ജിയോസിനിമയോട് പറഞ്ഞു.
“ഇന്ത്യക്കാർ അവരുടെ റോളുകൾ നന്നായി മനസ്സിലാക്കുകയും ഉത്തരവാദിത്തം ഏറ്റെടുക്കുകയും ചെയ്യുന്നു. പേസ് ആക്രമണത്തിന്റെ നേതാവ് താനാണെന്ന് സിറാജിന് അറിയാം. അതുപോലെയാണ് അദ്ദേഹം പ്രവർത്തിച്ചത്. ഇന്ത്യക്ക് ബൗളിംഗ് ആക്രമണത്തിൽ ഒരു അരങ്ങേറ്റക്കാരൻ ഉണ്ടായിരുന്നു.”
“അതിനാൽ സിറാജ് കൈ ഉയർത്തി, ‘ഞാൻ നയിക്കുമെന്നും മറ്റ് ബൗളർമാർ പിന്തുടരുമെന്ന് ഞാൻ ഉറപ്പാക്കാൻ പോകുന്നു’ എന്നും തീരുമാനിച്ചു. സിറാജ് ഉത്തരവാദിത്തം ഏറ്റെടുത്തു, ഫാസ്റ്റ് ബൗളിംഗ് ഗ്രൂപ്പിന്റെ കാര്യത്തിൽ ടീമിന്റെ ലീഡർ താനാണെന്ന് അദ്ദേഹം കാണിച്ചു.” വാൽഷ് പറഞ്ഞു
