വിജയ് ഹസാരെ ട്രോഫിയുടെ സെമി ഫൈനല്‍ മത്സരത്തിൽ കര്‍ണ്ണാടകയ്ക്ക് ബാറ്റിംഗ് തകര്‍ച്ച. ഇന്ന് നടന്ന മത്സരത്തിൽ ടോസ് നേടിയ സൗരാഷ്ട്ര ബൗളിംഗ് തിരഞ്ഞെടുത്ത ശേഷം എതിരാളികളെ 49.1 ഓവറിൽ 171 റൺസിന് ഓള്‍ഔട്ട് ആക്കുകയായിരുന്നു.
സൗരാഷ്ട്രയ്ക്കായി ജയ്ദേവ് ഉനഡ്കട് നാല് വിക്കറ്റ് നേടിയാണ് കര്‍ണ്ണാടകയുടെ നടുവൊടിച്ചത്. 10 ഓവറിൽ രണ്ട് മെയ്ഡന്‍ ഉള്‍പ്പെടെ 4 വിക്കറ്റുകളാണ് താരം നേടിയത്. പ്രേരക് മങ്കഡ് 2 വിക്കറ്റും നേടി. 88 റൺസ് നേടിയ രവികുമാര്‍ സമ‍ർത്ഥ് മാത്രമാണ് കര്‍ണ്ണാടക ബാറ്റിംഗിൽ തിളങ്ങിയത്. ടീമിന്റെ രണ്ടാമത്തെ ടോപ് സ്കോറര്‍ 22 റൺസ് നേടിയ മനോജ് ഭണ്ടാഗേ ആണ്.
