ക്രിസ്റ്റ്യാനോ റൊണാൾഡോ ആദ്യ ഇലവനിൽ ഇല്ലാത്തതിൽ ആശങ്ക വേണ്ട എന്ന് എറിക് ടെൻ ഹാഗ്. മാഞ്ചസ്റ്റർ യുണൈറ്റഡിൽ ഒരു സ്ക്വാഡ് ആണ് താൻ ഉണ്ടാക്കുന്നത് ഒരു ടീം അല്ല എന്നും ടെൻ ഹാഗ് പറഞ്ഞു. ആദ്യ ഇലവനിൽ കളിക്കാൻ പറ്റുന്ന പതിനൊന്നിലധികം താരങ്ങൾ സ്ക്വാഡിൽ ഉണ്ട്. ഇപ്പോൾ ബെഞ്ചിൽ ഉള്ളവർക്ക് കുറേ മത്സരങ്ങൾ ഉള്ളത് കൊണ്ട് തന്നെ വരും ആഴ്ചകളിൽ അവസരം ലഭിക്കും. ടെൻ ഹാഗ് പറഞ്ഞു.
ക്രിസ്റ്റ്യാനോ റൊണാൾഡോ യുണൈറ്റഡിന്റെ അവസാന മൂന്ന് മത്സരത്തിലും ബെഞ്ചിൽ ആയിരുന്നു. ആ മൂന്ന് മത്സരങ്ങളും മാഞ്ചസ്റ്റർ യുണൈറ്റഡ് വിജയിക്കുകയും ചെയ്തു. റൊണാൾഡോയും കസെമിറോയും ഫിറ്റ്നെസിന്റെ കാര്യത്തിൽ പിറകിലാണെന്നും ഫിറ്റ്നെസ് മെച്ചമാകുമ്പോൾ അവർ ആദ്യ ഇലവനിലേക്ക് അടുക്കും എന്നും ടെൻ ഹാഗ് പറഞ്ഞു. ഈ സീസണിൽ ഇതുവരെ ഗോൾ നേടാൻ ആകാത്ത റൊണാൾഡോ ആഴ്സണലിന് എതിരായ അടുത്ത മത്സരത്തിൽ ആദ്യ ഇലവനിൽ എത്താൻ ആകുമെന്ന പ്രതീക്ഷയിലാണ്.
