ഇന്നലെ തന്റെ നൂറാം ടി20 അന്താരാഷ്ട്ര മത്സരം കളിച്ച വിരാട് കോഹ്‍ലിയ്ക്ക് ആശംസയുമായി റോസ് ടെയിലര്‍. അന്താരാഷ്ട്ര ക്രിക്കറ്റിൽ ക്രിക്കറ്റിന്റെ മൂന്ന് ഫോര്‍മാറ്റിലും നൂറ് മത്സരം കളിച്ച ആദ്യ താരമാണ് റോസ് ടെയിലര്‍. വിരാട് കോഹ്‍ലിയോട് “വെൽക്കം ടു ദി ക്ലബ്” എന്ന സന്ദേശം ആണ് റോസ് ടെയിലര്‍ നൽകിയത്.
മൂന്ന് ഫോര്‍മാറ്റിലും നൂറ് മത്സരം എന്ന നേട്ടം ഇന്നലെ പാക്കിസ്ഥാനെതിരെ ടി20യിൽ തന്റെ നൂറാം മത്സരം കളിച്ചതോടെ കോഹ്‍ലി സ്വന്തമാക്കിയിരുന്നു. അന്താരാഷ്ട്ര ടി20യിൽ നൂറ് മത്സരം കളിക്കുന്ന 14ാമത്തെ താരമാണ് വിരാട് കോഹ്‍ലി.
