ഈ സീസണിനു ശേഷം ഡാനിയൽ റിക്കിയാർഡോ മക്ലാരൻ വിടും
2022 ഫോർമുല 1 സീസണിന്റെ അവസാനത്തിൽ, ഡാനിയൽ റിക്കിയാർഡോ കരാർ അവസാനിപ്പിച്ചുകൊണ്ട് ടീമിൽ നിന്ന് വിടവാങ്ങുമെന്ന് മക്ലാരൻ സ്ഥിരീകരിച്ചു. ആൽപൈൻ വിട്ട് ഫെർണാണ്ടോ അലോൻസോ ആസ്റ്റൺ മാർട്ടിനൊപ്പം ചേർന്നപ്പോൾ തുടങ്ങിയ ഊഹാപോഹങ്ങൾ, 2023 ലേക്കുള്ള കരാർ ഉണ്ടായിരുന്നിട്ടും 2022 സീസണിന്റെ അവസാനത്തിൽ റിക്കിയാർഡോ ടീമിൽ നിന്ന് പുറത്തുപോകുമെന്ന് മക്ലാരൻ സ്ഥിരീകരിച്ചു.2022-ലെ ആദ്യ പകുതിയുടെ ഭൂരിഭാഗവും റിക്കിയാർഡോ മക്ലാരനുമായി പൊരുത്തപ്പെടാതെ നിരന്തരം തന്റെ ടീമംഗമായ ലാൻഡോ നോറിസിന് പിന്നിലായിരുന്നു മത്സരം അവസാനിപ്പിച്ചിരുന്നത് . ഓസ്കാർ പിയാസ്ട്രി മക്ലാരനുമായി ചേരുമെന്ന ഊഹാപോഹങ്ങൾ ഉയരാൻ തുടങ്ങിയപ്പോൾ തന്നെ റിക്കിയാർഡോയുടെ മക്ലാരനിലെ ഭാവിയെ പറ്റി ചർച്ചകൾ നടന്നിരുന്നു.
റിക്കിയാർഡോയുടെ വിടവാങ്ങലോടുകൂടി, 2023-ൽ നോറിസിനൊപ്പം പിയാസ്ട്രി അദ്ദേഹത്തിന്റെ സ്ഥാനത്തെത്താൻ സാധ്യതയുണ്ട്.
“കഴിഞ്ഞ രണ്ട് സീസണുകളിൽ മക്ലാരൻ റേസിംഗ് കുടുംബത്തിന്റെ ഭാഗമാകാൻ കഴിഞ്ഞത് ഒരു പദവിയാണ്, എന്നാൽ ടീം ഉടമസ്ഥരുമായി നിരവധി മാസങ്ങൾ നടത്തിയ ചർച്ചകൾക്ക് ശേഷം ടീമുമായുള്ള എന്റെ കരാർ നേരത്തെ അവസാനിപ്പിക്കാൻ ഞങ്ങൾ തീരുമാനിച്ചു. ഞാൻ എന്റെ ഭാവി പദ്ധതികൾ പ്രഖ്യാപിക്കും, എന്നാൽ ഈ അടുത്ത അധ്യായം എന്ത് കൊണ്ടുവരുന്നു എന്നത് പരിഗണിക്കാതെ തന്നെ, മക്‌ലാരന് നൽകിയ പ്രയത്നത്തിൽ ഞാൻ അഭിമാനിക്കുന്നു, പ്രത്യേകിച്ച് കഴിഞ്ഞ സീസണിൽ മോൺസയിലെ വിജയത്തിൽ. കൂടാതെ സീസണിന്റെ ശേഷിക്കുന്ന സമയം ഒരുമിച്ച് ആസ്വദിക്കുമ്പോൾ എന്റെ ട്രാക്കിലും ഓഫ് ട്രാക്കിലും എന്റെ പരമാവധി നൽകുകയും ചെയ്യും. ” ട്വിറ്ററിലൂടെയും ഇൻസ്റാഗ്രാമിലൂടെയും റിക്കിയാർഡോ പറഞ്ഞു.
“കഴിഞ്ഞ രണ്ട് സീസണുകളിൽ ഇതുവരെ ഡാനിയേലിന്റെ സമർപ്പണത്തിനും സംഭാവനയ്ക്കും ഞാൻ നന്ദി പറയുന്നു. പങ്കിട്ട വെല്ലുവിളികൾക്കിടയിലും, അദ്ദേഹം എല്ലായ്പ്പോഴും ഒരു പോരാട്ട വീര്യവും പോസിറ്റീവുമായി തിരിഞ്ഞ് ടീമിനെ എല്ലായ്പ്പോഴും മുന്നോട്ട് കൊണ്ടുപോകാൻ സഹായിച്ചു . മൊൺസയിലെ ആ അവിസ്മരണീയമായ റേസ് വിജയം ഞങ്ങൾ ഒരിക്കലും മറക്കില്ല, അത് മുഴുവൻ ടീമിനും മികച്ച ഉത്തേജനമായിരുന്നു. കൺസ്ട്രക്‌റ്റേഴ്‌സ് ചാമ്പ്യൻഷിപ്പിൽ ഞങ്ങൾക്ക് മുന്നിലുള്ള ഒരു സുപ്രധാന പോരാട്ടം ബാക്കിയുണ്ട്, ഡാനിയേലും ലാൻഡോയും അവസാന നിമിഷം വരേ പോരാടി ഈ സീസൺ അവസാനിപ്പിക്കുമെന്ന് ഞങ്ങൾ ആഗ്രഹിക്കുന്നു. എന്നാണ് ടീം ഉടമ ആൻഡ്രിയാസ് സെയ്ഡൽ റിക്കിയാർഡോ വിഷയത്തിൽ പ്രതികരിച്ചത്.
