കോമൺവെൽത്ത് ഗെയിംസ് ലോംഗ്ജംപിൽ പുരുഷ വിഭാഗത്തിൽ രണ്ട് ഇന്ത്യന്‍ താരങ്ങള്‍ ഫൈനലില്‍. മുരളി ശ്രീശങ്കര്‍ 8.05 മീറ്റര്‍ ചാടി ഒന്നാമനായി യോഗ്യത നേടിയപ്പോള്‍ മുഹമ്മദ് യഹിയ 7.68 മീറ്റര്‍ ചാടി എട്ടാമനായി യോഗ്യത നേടുകയായിരുന്നു. മുരളി ശ്രീശങ്കര്‍ തന്റെ ആദ്യ ശ്രമത്തിൽ തന്നെ യോഗ്യത മാര്‍ക്ക് ആയ എട്ട് മീറ്റര്‍ കടക്കുകയായിരുന്നു.
രണ്ട് ഗ്രൂപ്പുകളിലായി 18 താരങ്ങളാണ് യോഗ്യത റൗണ്ടിൽ കളിച്ചത്. ഇതിൽ നിന്ന് ആദ്യ 12 സ്ഥാനക്കാരാണ് നാളെ നടക്കുന്ന ഫൈനലിലേക്ക് യോഗ്യത നേടിയത്.
