ടി20 ലോകകപ്പ് യോഗ്യത മത്സരത്തിൽ വെറും 8 റൺസിന് ഓള്‍ഔട്ട് ആയി നേപ്പാളിന്റെ അണ്ടര്‍ 19 വനിത ടീം. യുഎഇയ്ക്കെതിരെയുള്ള മത്സരത്തിലാണ് നേപ്പാളിന്റെ നാണംകെട്ട ബാറ്റിംഗ് പ്രകടനം. ലക്ഷ്യമായ 9 റൺസ് ഏഴ് പന്തിൽ നേടി വിജയം നേടുവാനും യുഎഇയ്ക്ക് സാധിച്ചു.
8.1 ഓവര്‍ മാത്രം നേപ്പാള്‍ ബാറ്റിംഗ് നീണ്ട് നിന്നപ്പോള്‍ 5 വിക്കറ്റ് നേടിയ മഹിക ഗൗര്‍ ആണ് യുഎഇ ബൗളിംഗിൽ തിളങ്ങിയത്. തന്റെ 4 ഓവറിൽ വെറും 2 റൺസ് മാത്രം വിട്ട് നൽകി 2 മെയിഡനും എറിഞ്ഞാണ് ഈ നേട്ടം മഹിക സ്വന്തമാക്കിയത്.
