മാഞ്ചസ്റ്റർ സിറ്റി വിടാൻ താൻ ആലോചിക്കുന്നു പോലും ഇല്ല എന്ന് ബെൽജിയൻ അറ്റാക്കിങ് മിഡ്ഫീൽഡർ കെവിൻ ഡി ബ്രുയ്നെ. അവസാന ഏഴ് വർഷമായി താൻ മാഞ്ചസ്റ്റർ സിറ്റിക്ക് ഒപ്പം ഉണ്ട്. താൻ ഈ ക്ലബിനെ ഏറെ സ്നേഹിക്കുന്നു. ഈ ക്ലബ് തന്റേതാണ്. ഡി ബ്രുയ്നെ പറഞ്ഞു. ഇനിയും മൂന്ന് വർഷത്തെ കരാർ തനിക്ക് ഈ ക്ലബിൽ ഉണ്ട്. താൻ ഇവിടെ തന്നെ ഉണ്ടാകും. ഡി ബ്രുയിനെ പറഞ്ഞു.
ഈ പ്രീമിയർ ലീഗ് സീസണിൽ മാഞ്ചസ്റ്റർ സിറ്റിയെ ചാമ്പ്യന്മാരാക്കുന്നതിൽ വലിയ പങ്ക് വഹിക്കാൻ ഡി ബ്രുയ്നെക്ക് ആയിരുന്നു. ഈ സീസണിലെ പ്രീമിയർ ലീഗിലെ മികച്ച താരമായി തിരഞ്ഞെടുക്കപ്പെട്ടതും ഡി ബ്രുയ്നെ ആയിരുന്നു.
