അർജന്റീന സെന്റർ ബാക്ക് ക്രിസ്റ്റ്യൻ റൊമേരോ സ്പർസിൽ തന്നെ തുടരും. ഇപ്പോൾ അറ്റലാന്റയിൽ നിന്ന് ലോൺ അടിസ്ഥാനത്തിൽ ആണ് റൊമേരോ ഈ സീസണിൽ കളിച്ചത്. ഈ കരാർ സ്ഥിരമാക്കാൻ സ്പർസ് തയ്യാറാണ് എന്ന് ഫബ്രിസിയോ റൊമാനോ റിപോർട്ട് ചെയ്യുന്നു.
40 മില്യണോളമാകും സ്പർസ് താരത്തിനായി അറ്റലാന്റയ്ക്ക് നൽകുന്നത്. ഈ സീസണിൽ കോണ്ടെയ്ക്ക് കീഴിൽ ഗംഭീര പ്രകടനം കാഴ്ചവെക്കാൻ റൊമേരോക്ക് ആയിരുന്നു. 2026വരെയുള്ള കരാർ അദ്ദേഹം ഒപ്പുവെക്കും.
കോപ അമേരിക്കയിൽ അർജന്റീനയുടെ കിരീട നേട്ടത്തിൽ പ്രധാന പങ്കുവഹിച്ച താരമാണ് ക്രിസ്റ്റ്യൻ റൊമേരോ.
