യൂറോപ്പിൽ തന്നെ തുടരാനാണ് തനിക്ക് ആഗ്രഹം എന്ന് സുവാരസ്

20220524 201346

അത്ലറ്റിക്കോ മാഡ്രിഡ് വിട്ട ലൂയിസ് സുവാരസ് യൂറോപ്പിൽ തന്നെ തുടരാനാണ് താൻ ആഗ്രഹിക്കുന്നത് എന്ന് പറഞ്ഞു. താൻ എവിടെ പോകും എന്ന് തീരുമാനിച്ചിട്ടില്ല. ബ്രസീലിൽ നിന്നും അർജന്റീനയിൽ നിന്നും തനിക്ക് നല്ല ഓഫറുകൾ ലഭിച്ചിട്ടുണ്ട് എന്ന് സുവാരസ് പറഞ്ഞു. എന്നാൽ യൂറോപ്പിൽ തന്നെ തുടരാനാണ് താൻ ആഗ്രഹിക്കുന്നത്. യൂറോപ്യൻ ഫുട്ബോളിൽ തന്നെ ആകും തന്റെ ശ്രദ്ധ. സുവാരസ് പറഞ്ഞു.

രണ്ട് വർഷം മുമ്പ് ബാഴ്സലോണയിൽ നിന്ന് സുവാരസ് അത്ലറ്റിക്കോ മാഡ്രിഡിൽ എത്തിയ സുവാരസ് കഴിഞ്ഞ സീസണിൽ അത്ലറ്റിക്കോ മാഡ്രിഡിനെ ലാലിഗ ജേതാക്കൾ ആക്കുന്നതിൽ വലിയ പങ്കുവഹിച്ചിരുന്നു.

2014ൽ ലിവർപൂൾ വിട്ടത് മുതൽ സ്പെയിനിലായിരുന്നു സുവാരസ് ഉണ്ടായിരുന്നത്. ബാഴ്സക്ക് ഒപ്പം കളിച്ച് ഒരുപാട് കിരീടങ്ങൾ നേടിയ താരം വിവാദ നീക്കത്തിലൂടെയാണ് അത്ലറ്റിക്കോയിൽ എത്തിയത്. മുമ്പ് അയാക്സിനായും ഗോളടിച്ച് കൂട്ടിയിട്ടുള്ള താരമാണ് സുവാരസ്.

Previous articleലിസ്റ്റൺ കൊളാസോ മോഹൻ ബഗാനിൽ ദീർഘകാല കരാർ ഒപ്പുവെക്കും
Next article“മാഞ്ചസ്റ്റർ സിറ്റി തന്റെ ടീമാണ്, ഇവിടം വിട്ട് എങ്ങോട്ടുമില്ല” ഡി ബ്രുയിനെ