ഇറ്റലിയിൽ കിരീട പോരാട്ടത്തിൽ അവസാനം ഇന്റർ മിലാൻ ഒന്നാമത്. ഇന്ന് റോമയെ തോൽപ്പിച്ച് കൊണ്ടാണ് ഇന്റർ മിലാൻ ഒന്നാം സ്ഥാനത്ത് എത്തിയത്. സാൻസിരോയിൽ നടന്ന മത്സരത്തിൽ ഒന്നിനെതിരെ മൂന്ന് ഗോളുകൾക്കാണ് ഇന്റർ മിലാൻ വിജയിച്ചത്. മുപ്പതാം മിനുട്ടിൽ ഡംഫ്രൈസിന്റെ ഗോളിലാണ് ഇന്റർ ലീഡ് എടുത്തത്. നാൽപ്പതാം മിനുട്ടിൽ പെരിസോവിചിന്റെ പാസിൽ നിന്ന് ബ്രൊസൊവിചിന്റെ ഗോളിൽ ഇന്റർ രണ്ട് ഗോളിന് മുന്നിൽ എത്തി.
രണ്ടാം പകുതിയിൽ ലൗട്ടാരോ കൂടെ ഗോൾ നേടിയതോടെ ഇന്റർ മിലാൻ വിജയത്തിലേക്ക് എത്തി. മിഖിതാര്യൻ ആണ് റോമയുടെ ആശ്വാസ ഗോൾ നേടിയത്. ഈ വിജയത്തോടെ ഇന്റർ മിലാന് 33 മത്സരങ്ങളിൽ നിന്ന് 72 പോയിന്റാണ് ഉള്ളത്. 71 പോയിന്റുമായി എ സി മിലാൻ തൊട്ടു പിറകിൽ ഉണ്ട്.
