അറബ് കപ്പ് അൾജീരിയ സ്വന്തമാക്കി. ഇന്ന് നടന്ന എക്സ്ട്രാ ടൈം വരെ നീണ്ട ഫൈനലിൽ എതിരില്ലാത്ത രണ്ടു ഗോളുകൾക്ക് ടുണീഷ്യയെ തോൽപ്പിച്ച് ആണ് അൾജീരിയ കിരീടം നേടിയത്. അധികസമയത്ത് ആണ് അൾജീരിയ രണ്ട് ഗോളുകളും നേടിയത്. അൽഖോർ സിറ്റിയിലെ അൽ-ബൈത്ത് സ്റ്റേഡിയത്തിൽ നടന്ന മത്സരത്തിൽ യാസിൻ ബ്രാഹിമിയും അമീർ സയൂദുമാണ് അൾജീരിയക്കായി ഗോൾ നേടിയത്.
നിലവിലെ ആഫ്രിക്കൻ നാഷൺസ് ചാമ്പ്യന്മാർ കൂടിയായ അൾജീരിയയ്ക്ക് അവറരുടെ ഗോൾഡൻ ജനറേഷനെ അടയാളപ്പെടുത്താനുള്ള ഒരു കിരീടം കൂടുയായി ഈ അറബ് കപ്പ്.
നേരത്തെ, മൂന്നാം സ്ഥാനത്തിനായുള്ള മത്സരത്തിൽ ആതിഥേയരായ ഖത്തർ ഈജിപ്തിനെ പെനാൽറ്റിയിൽ 5-4ന് തോൽപിച്ചിരുന്നു.
