ഓസ്ട്രേലിയയ്ക്കായി അടുത്തിടെ ടി20 അരങ്ങേറ്റം നടത്തിയ നഥാന്‍ എല്ലിസിനെ സ്വന്തമാക്കി പഞ്ചാബ് കിംഗ്സ്. ടീമിലെ ഓസ്ട്രേലിയന്‍ താരങ്ങളായ ജൈ റിച്ചാര്‍ഡ്സണും റൈലി മെറിഡിത്തും ടീമിനൊപ്പം യുഎഇയില്‍ ചേരില്ലെന്ന് ഉറപ്പായതോടെയാണ് ഈ തീരുമാനം.
കഴിഞ്ഞ ദിവസമാണ് ഈ രണ്ട് താരങ്ങള്‍ ഐപിഎലില്‍ കളിക്കില്ലെന്ന് ക്രിക്കറ്റ് ഓസ്ട്രേലിയ അറിയിച്ചത്. രണ്ടാമത്തെ പകരക്കാരന്‍ താരത്തെ രണ്ട് ദിവസത്തിനകം അറിയിക്കുമെന്നും ഫ്രാഞ്ചൈസി അറിയിച്ചു.
