ടോട്ടൻഹാമിൽ തന്നെ തന്റെ കരിയർ അവസാനിപ്പിക്കാനാണ് ടോട്ടൻഹാം സൂപ്പർ താരം സോണിന്റെ ആഗ്രഹമെന്ന് പരിശീലകൻ ജോസ്‌ മൗറിനോ. താരവുമായി പുതിയ കരാറിനുള്ള ചർച്ചകൾ ടോട്ടൻഹാം ഉടൻ ആരംഭിക്കുമെന്നും കൊറോണ വൈറസ് ബാധ മൂലമാണ് പുതിയ കരാർ ചർച്ചകൾ വൈകുന്നതെന്നും മൗറിനോ പറഞ്ഞു.
നിലവിൽ ടോട്ടൻഹാമിൽ 2023 വരെ കരാറുള്ള താരമാണ് സോൺ. നിലവിൽ ടോട്ടൻഹാമിന്‌ വേണ്ടി സോൺ ഈ സീസണിൽ മികച്ച ഫോമിലാണ്. ഈ സീസണിൽ അവർക്ക് വേണ്ടി 21 മത്സരങ്ങൾ കളിച്ച സോൺ 13 ഗോളുകളും നേടിയിരുന്നു. മികച്ച ഫോമിലുള്ള സോണിന്റെയും ഹാരി കെയ്‌നിന്റെയും മികവിലാണ് ടോട്ടൻഹാം പ്രീമിയർ ലീഗിന്റെ തലപ്പത്ത് എത്തിയത്.
