രാജസ്ഥാൻ റോയൽസിന്റെ മലയാളി താരം സഞ്ജു സാംസന്റെ ഫസ്റ്റ് ക്ലാസ് ക്രിക്കറ്റിലെ ശരാശരി ആശങ്ക ഉളവാക്കുന്ന ഒന്നാണെന്ന് മുൻ ഇന്ത്യൻ താരവും പ്രമുഖ കമെന്റേറ്ററുമായ സഞ്ജയ് മഞ്ചരേക്കർ. ഇന്ത്യൻ ടീമിൽ നിലവിൽ സ്ഥാനം ലഭിച്ച മായങ്ക് അഗർവാൾ, ശുഭ്മൻ ഗിൽ എന്നിവരുടെ ശരശരിയുമായി താരതമ്യ പെടുത്തുമ്പോൾ സഞ്ജു സാംസന്റെ ശരാശരി വളരെ കുറവാണെന്നും മഞ്ചരേക്കർ പറഞ്ഞു.
നിലവിൽ ഫസ്റ്റ് ക്ലാസ് ക്രിക്കറ്റിൽ സഞ്ജുവിന്റെ ശരാശരി 37 ആണ്. അതെ സമയം ശുഭ്മൻ ഗില്ലിന്റെ ശരാശരി 73.55 ഉം മായങ്ക് അഗർവാളിന്റെ ശരാശരി 57മാണ്. ഏത് ഫോർമാറ്റ് ആണെങ്കിലും ഫസ്റ്റ് ക്ലാസ് ക്രിക്കറ്റിലെ ശരാശരി ഒരു താരത്തെ കുറിച്ചുള്ള ഏകദേശം ധാരണ ലഭിക്കുമെന്നും മഞ്ചരേക്കർ പറഞ്ഞു. നിലവിൽ ഇന്ത്യൻ പ്രീമിയർ ലീഗിലെ അവസാന മൂന്ന് മത്സരങ്ങളിൽ തുടർച്ചയായി പരാജയപ്പെട്ട രാജസ്ഥാൻ റോയൽസ് പോയിന്റ് പട്ടികയിൽ ഏഴാം സ്ഥാനത്താണ്.
