അഫ്ഗാനിസ്ഥാന്റെ ക്രിക്കറ്റ് ബോര്‍ഡില്‍ അംഗമായി നിലവില്‍ ദേശീയ ടീമിന് വേണ്ടി കളിക്കുന്ന മുഹമ്മദ് നബി. ബോര്‍ഡിന്റെ പുറത്ത് പോകുന്ന ഒമ്പതംഗ പാനലിലെ പകരക്കാരായ നാല് താരങ്ങളില്‍ ഒരാളായാണ് മുഹമ്മദ് നബി എത്തുന്നത്. നിലവില്‍ നബി കരീബിയന്‍ പ്രീമിയര്‍ ലീഗില്‍ കളിച്ച് കൊണ്ടിരിക്കുകയാണ്.
ടെസ്റ്റ് ക്രിക്കറ്റില്‍ നിന്ന് കഴിഞ്ഞ സെപ്റ്റംബറിലാണ് മുഹമ്മദ് നബി വിരമിച്ചത്. ബംഗ്ലാദേശിനെതിരെയുള്ള അഫ്ഗാനിസ്ഥാന്റെ ആദ്യ ടെസ്റ്റ് മത്സരത്തിന് ശേഷമായിരുന്നു താരത്തിന്റെ ഈ തീരൂമാനം. വൈറ്റ് ബോള്‍ ക്രിക്കറ്റില്‍ കൂടുതല്‍ ശ്രദ്ധ ചെലുത്തുന്നതിന് വേണ്ടിയായിരുന്നു താരം വിരമിച്ചത്.
