ല ലീഗെയിൽ വീണ്ടും വിജയമില്ലാതെ സിമയോണിയുടെ അത്ലറ്റികോ മാഡ്രിഡ്. ലീഗിൽ അവസാന സ്ഥാനക്കാരായി അത്ലറ്റിയുടെ സ്റ്റേഡിയത്തിൽ എത്തിയ എതിരാളികളോട് കേവലം ഗോൾ രഹിത സമനില നേടാൻ മാത്രമാണ് അവർക്ക് സാധിച്ചത്. ഇതോടെ ലീഗിൽ അവർ നാലാം സ്ഥാനത്ത് തന്നെ തുടരും.
കോപ്പ ഡെൽ റെയിൽ നിന്ന് തോറ്റ് പുറത്തായ ശേഷമുള്ള ആദ്യ മത്സരത്തിന് ഇറങ്ങിയ ടീമിൽ നിന്ന് മികച്ച പ്രതികരണം പ്രതീക്ഷിച്ചെങ്കിലും അതുണ്ടായില്ല. ഗോളടിക്കാൻ തീർത്തും കഷ്ടപ്പെടുന്ന അവർ ആ ശീലം ഇന്നും ആവർത്തിച്ചു. ഒരു തവണ ലെഗാനസ് പോസ്റ്റിൽ ഷോട്ട് തട്ടി മടങ്ങിയത് ഒഴിച്ചാൽ അപകടകമായ ഒരു നീക്കം പോലും അത്ലറ്റിക്ക് നടത്താനായില്ല. ഇതോടെ എതിരാളികൾക്ക് കാര്യങ്ങൾ എളുപ്പമായി. കോപ്പ ഡെൽ റേയിൽ മൂന്നാം ഡിവിഷൻ ടീമായ കൾചറലിനോട് തോറ്റാണ് അത്ലറ്റി പുറത്തായത്.
