അണ്ടര് 23 ടി20 വനിത ടൂര്ണ്ണമെന്റില് ആസാമിനെതിരെയും വിജയം നേടി കേരളം. 82/7 എന്ന നിലയില് ആസാമിനെ എറിഞ്ഞിട്ട ശേഷം കേരളം ഒരു പന്ത് അവശേഷിക്കെയാണ് 4 വിക്കറ്റ് നഷ്ടത്തില് ലക്ഷ്യം മറികടന്നത്.
ക്യാപ്റ്റന് മിന്നു മണി(37*) പുറത്താകാതെ നിന്നാണ് കേരളത്തിന്റ വിജയം ഉറപ്പാക്കിയത്. ലക്ഷ്യം ചെറുതെങ്കിലും കാര്യങ്ങള് കേരളത്തിന് അത്ര എളുപ്പമായിരുന്നില്ല. അവസാന ഓവറിലെ അഞ്ചാം പന്തില് മാത്രമാണ് കേരളം വിജയം കുറിച്ചത്.
ഉമ ഛേത്രി(35), രശ്മി റബി ഡേ(23) എന്നിവരാണ് ആസാമിനായി ബാറ്റിംഗില് ഭേദപ്പെട്ട പ്രകടനം നടത്തിയത്. കേരളത്തിനായി മൃദുല വിഎസ് രണ്ട് വിക്കറ്റ് നേടി.
