ഇനിയുള്ള കാലം അയര്‍ലണ്ടില്‍ മാത്രം ക്രിക്കറ്റ് കളിച്ച് തുടരുവാന്‍ തീരുമാനിച്ച് പോള്‍ സ്റ്റിര്‍ലിംഗ്. ഈ സീസണോട് കൂടി തന്റെ മിഡിസെക്സുമായുള്ള കരാര്‍ അവസാനിക്കുന്നതിന് ശേഷം ഇനി അയര്‍ലണ്ടില്‍ തുടരുവാനാ‍ണ് താരം തീരുമാനിച്ചിരിക്കുന്നത് അയര്‍ലണ്ട് ക്രിക്കറ്റ് മീഡിയ പ്രസ്താവനയിലൂടെ അറിയിക്കുകയായിരുന്നു. ഡിസംബര്‍ 2009ല്‍ കൗണ്ടിയുമായി കരാറിലേര്‍പ്പെട്ട താരം പത്ത് വര്‍ഷത്തെ ബന്ധമാണ് അവസാനിപ്പിക്കാനൊരുങ്ങുന്നത്.
മിഡില്‍സെക്സിന് വേണ്ടി കഴിഞ്ഞൊരു ദശാബ്ദമായി കളിക്കാനായത് വലിയ നേട്ടമായി കാണുന്നു, ഒട്ടനവധി അവിസ്മരണീയ മുഹൂര്‍ത്തങ്ങള്‍ ഈ കാലയളവില്‍ താന്‍ അനുഭവിച്ചിട്ടുണ്ട്. 2016 ചാമ്പ്യന്‍ഷിപ്പ് വിജയിച്ചത് ഇതില്‍ ഒന്നാം സ്ഥാനത്ത് നില്‍ക്കുന്നു, അതേ സമയം തന്റെ കൗണ്ടി ക്യാപ് ലഭിച്ച നിമിഷവും ഏറെ ഓര്‍മ്മകളില്‍ നില്‍ക്കുന്ന നിമിഷമാണെന്ന് പോള്‍ സ്റ്റിര്‍ലിംഗ് പറഞ്ഞു. താന്‍ ടീമിലെ താരങ്ങളും കോച്ചുമാരും സ്റ്റാഫുകളോടും പടുത്തുയര്‍ത്തിയ ബന്ധമാവും തനിക്ക് ഈ കൗണ്ടി വിടുമ്പോള്‍ ഏറ്റവും അധികം നഷ്ടബോധം തോന്നിപ്പിക്കുന്നതെന്നും സ്റ്റിര്‍ലിംഗ് പറഞ്ഞു.
അയര്‍ലണ്ടിന്റെ 2020ലെ തിരക്കേറിയ കലണ്ടറിനും ടി20 ലോകകപ്പ് യോഗ്യത മത്സരങ്ങളെയും താന്‍ ഉറ്റുനോക്കുകയാണെന്ന് പോള്‍ സ്റ്റിര്‍ലിംഗ് വ്യക്തമാക്കി.
