സാനിയ മിർസയുടെ ഖത്തറിലെ കുതിപ്പിന് അവസാനം. ഇന്ന് സെമി ഫൈനലിൽ സാനിയ സഖ്യം പരാജയപ്പെട്ടു. ഖത്തർ ഓപ്പൺ ഡബിൾസിൽ സാനിയ മിർസയും സ്ലൊവേനിയൻ താരം ആൻഡ്രെജ ക്ലെപാകും ചേർന്ന സഖ്യത്തെ രണ്ടാം സീഡായ നികോളെ മെലിചർ – ഡെമി ഷുർസ് സഖ്യമാണ് പരാജയപ്പെടുത്തിയത്‌. 5-7, 6-2, 5-10 എന്ന സ്കോറിനായിരുന്നു പരാജയം. ഒരു മണിക്കൂറും 28 മിനുട്ടുമാണ് പോരാട്ടം നീണ്ടു നിന്നത്.
ഒരു വർഷത്തിന് ശേഷം കളത്തിൽ മടങ്ങി എത്തിയ സാനിയക്ക് സെമി വരെയുള്ള കുതിപ്പ് തിരിച്ചുവരവിൽ ഒരു മികച്ച തുടക്കമായി. നേരത്തെ ക്വാർട്ടറിൽ നാലാം സീഡായ അന്ന ബ്ലിങ്കോവ – ഗബ്രിയേല ഡെബ്രൊവസ്കി സഖ്യത്തെ സാനിയ സഖ്യം പരാജയപ്പെടുത്തിയിരുന്നു. ആദ്യ റൗണ്ടിൽ ഉക്രൈൻ സഹോദരിമാരായ നാദിയ കുഷെനോക്, ല്യുദ്മില കുഷെനോ സഖ്യത്തെയും സാനിയ സഖ്യം പരാജയപ്പെടുത്തി.
