വിംബിൾഡനിൽ പുതുചരിത്രം എഴുതി 15 കാരി, വീനസിനെ തോൽപ്പിച്ച് രണ്ടാം റൗണ്ടിൽ

- Advertisement -

തലമുറകൾ തമ്മിലുള്ള പോരാട്ടത്തിൽ ജയം കുറിച്ച് ഇളമുറക്കാരി. വിംബിൾഡൺ പുൽ മൈതാനത്ത് പുതുചരിത്രം പിറന്നപ്പോൾ തന്റെ ഏറ്റവും വലിയ ഹീറോകളിൽ ഒന്നിനെ തോൽപ്പിച്ച് രണ്ടാം റൗണ്ടിലേക്കു മുന്നേറി അമേരിക്കയുടെ കോരി കൊക്കോ ഗോഫ് എന്ന പതിനഞ്ചുകാരി. 39 കാരിയായ 5 പ്രാവശ്യം വിംബിൾഡൺ നേടിയ 24 വയസ്സ് പ്രായവ്യത്യാസമുള്ള വീനസിനെതിരെ തന്റെ അച്ഛനേയും അമ്മയെയും സാക്ഷിയാക്കി ഗോഫോ പക്ഷെ ഉറച്ച് തന്നെയായിരുന്നു. മത്സരത്തിന്റെ തുടക്കം മുതലെ തന്റെ പ്രായത്തിന്റെ ഭയമോ, പരിഭ്രമമോ എതിരാളിയുടേതോ മത്സരത്തിന്റേതോ വലിപ്പമോ ഒന്നും കോഫിന് ഒരു വിഷയമേ ആയില്ല. ആത്മവിശ്വാസത്തോടെ കളിച്ച ഗോഫ് ആദ്യസെറ്റിൽ തന്നെ വീനസിനെതിരെ ബ്രൈക്ക് നേടി. 33 മിനിറ്റ് നീണ്ട സെറ്റിൽ 6-4 നു അനായാസമെന്നു വിളിക്കാവുന്ന ജയം. കോഫിന്റെ ധൈര്യവും കൂസലില്ലായ്മയും എന്താണ് പിറകെ വരാനിരിക്കുന്നത് എന്ന സൂചന നൽകുകയായിരുന്നു.

രണ്ടാം സെറ്റിൽ മത്സരം കടുത്തു. തന്റെ പ്രതിഭയെ പലവട്ടം പ്രകടിപ്പിച്ച വീനസ് ഗോഫിന് വെല്ലുവിളി ഉയർത്തി. എന്നാൽ ആദ്യം വീനസിന്റെ സർവീസ് ഗോഫ് ബ്രൈക്ക് ചെയ്തു. തുടർന്ന് പക്ഷെ ഗോഫിന്റെ ഡബിൾ ഫോൾട്ട് മുതലെടുത്ത വീനസ് തിരിച്ചു ബ്രൈക്ക് ചെയ്‌ത് മത്സരത്തിലേക്ക് തിരിച്ച് വരികയാണെന്ന സൂചന നൽകി. എന്നാൽ ഗോഫിന്റെ പ്രായത്തിനു മുന്നിൽ വീനസ് പകച്ചപ്പോൾ വീനസിന്റെ അടുത്ത സർവീസ് ഗോഫ് ബ്രൈക്ക് ചെയ്‌ത് മത്സരം തന്നിലേക്കു അടുപ്പിച്ചു. നീണ്ട ഓരോ റാലികളും ഗോഫ് സ്വന്തമാക്കി. തന്റെ പ്രതിഭയെന്തെന്നു 15 കാരി പെണ്കുട്ടി ലോകത്തിനു കാണിച്ച് കൊടുക്കുകയായിരുന്നു. അടുത്ത സർവീസിൽ താൻ ജനിക്കുമ്പോൾ 2 വിംബിൾഡൺ സ്വന്തമായുള്ള വീനസിനെ ഗോഫി തോല്പിക്കുക തന്നെ ചെയ്തു. സ്‌കോർ 6-4 തന്നെ. കണ്ണീരടക്കാനാവാതെ ഗോഫ്, ചിരിച്ചു കൊണ്ട് പ്രതിഭയെ തിരിച്ചറിഞ്ഞു വീനസ് തന്റെ നാട്ടുകാരി കൂടിയായ ഗോഫിന് കൈ നൽകി.

കാണികളിൽ പലർക്കും ഇത് വിശ്വസിക്കാനായില്ല, ആഹ്ലാദത്തോടെ കോഫിന്റെ അച്ഛനും അമ്മയും തുള്ളിച്ചാടി. അപ്പോഴും വിംബിൾഡന്റെ ചരിത്രപ്രസിദ്ധമായ പുൽ മൈതാനം കോരി കോഫിന്റെ മധുരക്കണ്ണീരിന് സാക്ഷിയായി. 1 മണിക്കൂർ 19 മിനിറ്റു നീണ്ട മത്സരം ഒരു പുതിയ പ്രതിഭയുടെ വിളംബരം തന്നെയായിരുന്നു. മികച്ച സർവ്വീസുകളും റാലികളും പുറത്തെടുത്ത ഗോഫ് സമ്മർദ്ദഘട്ടത്തിലും ഒരു പരിഭ്രമവും കാണിച്ചില്ല. ഓരോ ഘട്ടവും അവൾ ആസ്വദിച്ചു തന്നെ കളിച്ചു. പലരും ഇതിനകം വനിത ടെന്നീസിലെ അടുത്ത സൂപ്പർ സ്റ്റാർ എന്നു വിളിക്കുന്ന ഗോഫി വിംബിൾഡനിൽ എത്ര മുന്നോട്ട് പോകുമെന്ന് നമുക്ക് ഉടനെ തന്നെ അറിയാം. ഇന്ന് പക്ഷെ ലോകം വിംബിൾഡനിൽ കണ്ടത് മറ്റൊരു മാർഗരറ്റ് കോർട്ടിന്റെ മറ്റൊരു സ്റ്റെഫി ഗ്രാഫിന്റെ മറ്റൊരു സെറീന വില്യംസിനെയാണോ എന്നറിയാം നമുക്ക് ഇനിയും കാത്തിരിക്കണം.

Advertisement