ചരിത്രം എഴുതി ഇന്ത്യൻ ഒന്നാം നമ്പർ താരം സുമിത് നഗാൽ. കളിമണ്ണ് മൈതാനത്ത് എ.ടി.പി ചലഞ്ചേഴ്സ് ആയ ടമ്പരെ ഓപ്പണിൽ കിരീടം നേടിയതോടെ നഗാൽ ചരിത്രം എഴുതി. ഈ വർഷം താരം നേടുന്ന രണ്ടാം എ.ടി.പി ചലഞ്ചേഴ്സ് കിരീടം ആണ് ഇത്. തന്നെക്കാൾ റാങ്കിങിൽ മുന്നിലുള്ള ഡാലിബറിനെ 6-4, 7-5 എന്ന സ്കോറിന് ആണ് നഗാൽ മറികടന്നത്.
കരിയറിലെ നാലാം എ.ടി.പി ചലഞ്ചേഴ്സ് കിരീടം കൂടിയാണ് ഇത് താരത്തിന്. ഇതോടെ താരത്തിന് യു.എസ് ഓപ്പൺ യോഗ്യത മത്സരങ്ങൾ കളിക്കാനും ആവും. ജയ്ദീപ് മുഖർജിക്ക് ശേഷം യൂറോപ്പിൽ രണ്ടു എ.ടി.പി ചലഞ്ചേഴ്സ് കിരീടങ്ങൾ നേടുന്ന ആദ്യ താരമായും നഗാൽ മാറി. 57 വർഷങ്ങൾക്ക് ശേഷമാണ് യൂറോപ്യൻ മണ്ണിൽ ഒരു ഇന്ത്യൻ താരം 2 കിരീടങ്ങൾ നേടുന്നത്. റാങ്കിങിൽ ആദ്യ 200 ലും താരം തിരിച്ചെത്തും.
